Lo Convise, qu'es aquò?   Contact Lo Convise

Cultura occitana Sèti social e édicions 9 plaça de la Patz, 15012 ORLHAC cedex. Télefòn 04 71 43 16 16. Telecopia : 04 71 63 46 29 Contact Lo Convise Maria-Odila Pagés Animacion Burèu, Obradors (danças, cants) 14 carrièra Meallet de Cors, 15000 Orlhac

En Léger Nalt e dins l'èst del Cantal, un convise es una acampada de dentelièras, de femnas que parpàndon, que chàrron, que batàlhon. Se ditz correntament soi anat convisar, venètz convisar, avèm fait convise... Dins la primièra meitat del sègle 20, aquel nom interessèt lo felibre Enric Gilbert (1874-1955) que fondèt e animèt lo Covize de l'Escòla de Limanha a París, generator de libres, acompanhat per la revista L'Alauza d'Auvèrnha. Lo 10 d'agost 1992, Lutz e Nadal Lafont aun tornat prendre aquela tradicion en alandant una associacion 1901 nommada Lo Convise per aparar e illustrar la lenga e la cultura occitanas. Es una societat de convèrsas tematicas cada còp a l'entorn d'una persona causida per sa coneissença del subjècte del jorn.. (ARCHIVES) Ambe lo temps, las activitats se son desvolopadas vas l'ensenhament de l'occitan en collaboracion ambe l'Universitat Intèr-Atges d'Orlhac e del Cantal (UIAAC), las animacions festivas o culturalas, l' edicion de libres e de documents, la recèrca e la creacion... Mas las tòcas vàrian pas : ---practica de la lenga associada a de coneissenças patrimonialas o modèrnas, ---contribucion a la preséncia occitana dins lo monde d'uèi d'un biais interessant e positiu. Al cap del camin del Convise es una cort d'escòla bilingüa o una calandreta.